मेरा पहला कहानी संग्रह

 

स्वामी भले बिराजे जू- भाग 3

अब चले तो पैलो सोमवार एक जंगल में परो। उतै एक दाँय वालो दाँय हाँक रओ तो। भाट नैं कई तनक हमाई किसा सुन लो। 

दाँय वालो बोलो- कै जब तक तुमाई किसा सुनै, हमाई दाँय कौ का हुइये? भाट नैं कई ठीक है भैया ना सुनो। जैसईं भाट आगे बढ़ो सो ऊकी दाँय फर-फर बरन लगी। अब दाँय वालो चिल्लाओ - भैया तुमनैं का जादू कर दओ कै हमाई दाँय फर-फर  बरन लगी। भाट बोलो- कै हम का जानैं। जानैं तो हमाए स्वामी जू जानैं। 

दाँय वालो बोलो- भैया हमैं सुना दो अपने स्वामी जू की कथा।

भाट नैं कथा सुनाई औ ज्यों द्योलन और गुड़ को भोग लगाओ औ चुरुआ छिड़को सो दाँय दूनी चौगुनी हो गई। 

अब भाट आगे चले। चलत-चलत अब दूसरों सोमवार परो। सो जंगल में एक गड़रिया भेड़ें चरा रओ तो। भाट नैं कई कै भैया तनक हमाई किसा सुन लैयो। भाट की बात सुन कैं गड़रिया बोलो- जब तक हम तुमाई किसा सुनै हमाई भेड़ें न भग जैं? भाट नैं कई कै ठीक है भैया न सुनो। ऐसो कह कैं भाट आगे चले सो गड़रिया की सब भेड़ें हिरा गईं। अब गड़रिया चिल्लानों - ए भैया रुक जाओ, सुना दो अपनी किसा। भाट नैं पूजा बिस्तारी। गुरधानी को भोग लगाओ औ ज्यों चुरुआ छिड़को सो सब भेड़ें जईं की तईं हो गईं। 

अब भाट चलत-चलत और आगे बढ़े सो तीसरो सोमवार बड़ी बिटिया के इतै परो। सो भाट नै कई बड़ी बिटिया सें कैं बेटा पूजा करनें सो तनक व्यवस्था कर लो। बिटिया बोली कै तुम जौई सब करत करत गए ते औ जौई करत-करत आ गए।  इतै कोऊ नइयाँ भूखो प्यासो अबै तक। 

बिटिया की बात सुन कैं भाट नै कई कै ठीक है। कह कैं भाट आगे चले सो रस्ता में एक कोढ़ी मिलो। भाट नै कई कै भैया तनक हमाई किसा सुन लो। भाट की बात सुन कैं कोढ़ी बोलो- भैया सुना दो। 

अब भाट नै कोढ़ी के पेट पै जवा रख दये। पँचमेर कौ भोग लगाओ औ स्वामी जू की किसा कैबो शुरू करी। अब ज्यों किसा पूरी भई कोढ़ी की काया एक दम अच्छी हो गई। कोढ़ी हाथ जोर कैं बोलो- भैया तुमनै का जादू कर दओ कै हमाए सब कष्ट मिट गए!

कोढ़ी की बात सुनकैं भाट बोलो कै भैया हम का जानें, जानैं तौ हमाए स्वामी जू जानें औ हाथ जोर कैं आगे बढ़ गए।  

अब भाट चलत-चलत आगे पहुंचे सो चौथे सोमवार खां छोटी बिटिया कैं पहुंचे। बिटिया नै कई कै पिताजी जो व्यवस्था करने हो सो बता दो। भाट नै बताओ कै अब छप्पन भोजन कौ भोग लगनें। सो जो जैसो बन सके सो बना लो। तुम नदिया में नहा कैं आ जाओ। औ जो तुमाई धोती रेशम की हो जाए औ लोटा सौने को हो जाए सो चौकियो ना। बिटिया नै हओ कई औ चल दई नदिया। बा ज्यों नहा कैं निकरी सो खूब अच्छी धोती और सोने को लोटा हो गयो। बिटिया की आर्थिक हालत ठीक ना हती। सो बा अपने मौड़ा खां बनिया के इतै बिठार कैं पूजा की सब सामग्री औ छप्पन भोजन कौ सामान लै आई ती। इतै बनिया आओ सो बोलो- बैन तुमाए मौड़ा मैं तो जानै का जादू है,  हमाई तो आज खूब बिक्री भई। इत्ती तौ कबहुँ मइना भर मैँ नईं भई। 

अब भाट नैं पूजा बिस्तारी। किसा कही औ जो बेंत खड़के औ चुरुआ छिड़को सो छोटी बिटिया को घर महल सो हो गऔ। ऊकी दसा पलट गई। 

अब भाट आगे चले सो चलत चलत अब अपने गाँव की गैल आ गए। उनै दो ग्वालिन मिलीं। भाट नै उनसैं कई कै जाके कह तो भाटिन सैं कै आ गए तुमाए भाट। औ पूरे गाँव में न्योतउआ टिरउआ करा दो कैं भोज है, भाट कैं। अब जा खबर जब भाटिन खां मिली, कै भाट आ गए, सो बा तौ खुसी के मारें पागल हो गई। इत्ते में भाट पहुँच गए। भाटिन सैं पहलें तौ कछू बोलत ना बनो खुसी कैं मारें, फिर तनक संभली सो बोली- कैसो न्योतउआ टिरउआ। पहले तनक पिसन दो, दरन दो। 

भाट नै कई कै नईं। तुम तौ करा दो न्योतउआ टिरउआ सँगै। 

राजा खां भी न्योतो पहुँचो। राजा तौ ना पहुंचे पर खूब जनता पहुंची। सबनै खूब तारीफ करी। जनता कत जाए कै ऐसो भोज तो ना दओ राजा रहीस नैं, जैसो भोज दओ, भाट भिखारी नैं।  

अब राजा को दिमाग ठनको कै, भाट भिखारी खां ऐसो कौन सो खजानो हाथ लग गयो! रानी सैं बोले कै चलो, अपन तनक चल कैं देखें तौ। अब आए राजा भाट भिखारी कैं। भाट नैं जो बेंत खड़के, चुरुआ छिड़को सो, राजा समझ गए कैं इनईं बेंतन मैं कछू है। सो उनने रानी खां इसारो कर दओ। इतै रानी नैं कुँवर खां चूँटी लै लई। सो कुँवर रोन लगे। 

अब भाट नै कई कै महाराज कुँवर काय रोउत? अब राजा बोले कै अंदर जो बज रओ, कुँवर ऊके लाने रो रये। तुम बा चीज फौरन ल्या कै दै दो तुम कुँवर खां। अब भाट बिचारो का करतो, सो ऊनें स्वामी जू के पाँव परे औ दै दये बेंत। 

अब राजा नै गाँव भर मैं कबा दई कै राजा कै भोज है। सब जनता राजा के इतै पहुंची। अब राजा नै जो बेंत खड़काए सो खूब धुआँ होय और बेंत उचट-उचट कै लगें राजा-रानी और सब जनता खां। और राजा रानी को सब बिला गयो बौ अलग। उतै सैं बिटिया दमाद आ गए, उनको सब बिला गयो तो। सबनैं कई कै ऐसो का टोटका कर दओ कै हम औरन को सब बिला गयो। 

भाट बोलो कै हम का जानें, जानै सो स्वामी जू जानै। सब जनें बोले कै चलो स्वामी जू कैं। 

अब सब जनें चले सो सब खां पाँवन में कांटे लगें और खूब धूप लगै। पर भाट के पाँवन तरें मखमली घास होत जाए औ मूड़ पै बादल छाँह करत जाएँ। अब बिटिया दामाद और और राजा रानी बोले कै तुमई जाओ हम औरन के बस की नइयाँ। 

अब भाट पहुंचे जगन्नाथ जी कैं और फिर चिल्लाए- स्वामी जू स्वामी जू। 

भक्त की गुहार सुन कैं भगवान फिर आए औ बोले- काय रे भटुआ तैं ने तौ गैलई देख लई। बताओ अब का हो गयो। भाट नै सब बात बताई और कई कै तुमाओ दओ न राजा रानी के मारें कहा पाउत न बिटिया दमाद के मारें खा पाउत। 

भाट की बात सुन कैं भगवान हँसे। बोले- जाओ- राजा रानी कौ राजा रानी खां दओ औ बिटिया दामाद कौ बिटिया दमाद खां दओ औ तुमाओ तौ है ई सात पीढ़ियन खां। 

किसा हती सो हो गई।  

संवाद पथ में छपा आलेख

 

स्वामी भले बिराजे जू भाग-2

 अब भाट नै कई, हम कैसें जानें कै तुम जगन्नाथ जी हो, कच्चे सूत में से झूल जाओ तौ जानें।

अब सच्चे भक्त के लाने तौ भगवान कछू भी कर सकत, सो बे झूल गए कच्चे सूत सें।

भाट खाँ अबै भी भरोसो नईं भओ सो बौ बोलो- करवा की टोंटी से निकल जाओ, तौ जानें। सो जगन्नाथ जी भाट भिखारी कै लाने करवा की टौंटी से झूल गए। अब जब भाट खाँ हो गओ भरोसो सो बौ जगन्नाथ जी के चरणन में गिरो औ चिल्लाओ- स्वामी जू, स्वामी जू। स्वामी जू बोले अब तुम जाओ और भंडार सें ढाई-ढाई चुटकी आटा, दाल, चावल लो और भोग बनाओ, खाओ।

अब भाट जू चले। अब भंडार में उन ने सोची कै ढाई ढाई चुटकी सै का होत। सो खूब बिलात-बिलात भर लओ। अब जैसईं बना कैं हाथ धोन गए, सो फिर कुचिया, रुटिया। अब भाट हीर चिल्लाओ- स्वामी जू, स्वामी जू। 

अब स्वामी जू फिर आए बोले काय रे भाट, अब का हो गओ?

भाट बोलो- एई के मारें तौ हम घर-बार छोड़ कैं तमाए इतै आये। एक गाँव माँगत तो कुचिया रुटिया हो जात औ चार गाँव माँगत तो कुचिया रुटिया हो जात!

भाट की बात सुनकैं स्वामी जू हँसे और बोले- नियत तौ नईं डुगाई ती?

स्वामी जू की बात सुन कैं भाट बोलो- हओ डुगाई तौ हती। हमनैं कई कै ढाई चुटकी सैं का होत सो हमनैं बिलात-बिलात लै लओ सब।

अब स्वामी जू बोले- एई सैं। नियत नईं डुगानैं। अब जाओ और ढाई-ढाई चुटकी लो सब कछू।

अब स्वामी जू की बात सुन कैं, भाट नैं फिर गओ भंडार घर मैं और अब ऊनैं ढाई की जगा एक-एक चुटकी लई औ बनाओ भोग। सो जैसईं भोग लगाओ सो बौ इत्तौ हो गओ कै बड़ाए ना। अब भाट फिर परेसान, चिल्लाओ- स्वामी जू, स्वामी जू ..

स्वामी जू फिर आए, बोले अब का हो गओ?

भाट बोलो- स्वामी जू, तुमनैं जितनौं कई ती हमनैं तौ ऊसैं भी कम लओ, पर अब इत्तौ हो गओ कै, संभर नईं रओ।

भाट की बात सुनकैं स्वामी जू हन्सै और बोले- गरीबन खाँ खबाओ, मछरियन का डारौ औ फिर बचै तौ, उल्टे-सीधे हाथ पटकौ, सो सब बिला जै।

भाट नैं ऐसईं करो। अब तीसरो दिन भओ सो घरैं जाएं की छड़ी लगी। सो भाट नैं जगन्नाथ जी कौ आशीर्वाद लओ। स्वामी जू बोले कै, जाओ सो पाँच बेंत तोड़ लो और एक थाली और लोटा लै लो। भाट गओ बेंत तोड़बे, सो फिर मन मैं लालच आ गओ। ऊनें सोची कै पाँच काए, तनक बिलातअई तोड़ लैं। सो जैसईं ऊनैं पाँच सैं ऊपर तोड़े,, बौ उतईं बाँसन मैं फँस कैं रै गओ। सो फिर चिल्लाओ- स्वामी जू, स्वामी जू।

अब फिर आए स्वामी जू। बोले- काय रे भाट अब का हो गओ?

भाट बोलो स्वामी जू हम निकरई नईं पा रये। 

स्वामी जू बोले- फिर सैं नियत डुगाई ती का?

अब भाट रै गओ। बोलो हओ स्वामी जू, डुगाई तौ हती। 

भगवान बोले- जब-जब नियत डुगाहो, सो फँस हो। ई सैं गाँठ बाँध लो कै नियत नईं डुगानै। अब जाओ, छूट गए तुम।

भाट भगवान कैं पाँव पर कैं, जौँ चलैं का भओ सो आँखन से कछू दिखाए ना। पाँव उतईं कैं उतईं जम गए। सो भाट फिर चिल्लाओ- स्वामी जू, स्वामी जू।

स्वामी जू बोले- अब का हो गओ? काय खाँ चिल्लात? 

भाट बोलो- आँखन सैं कछू दिखात नैयाँ। पाँव जाँ कै ताँ रै गए, बढ़तई नैयाँ आगे!

कोऊ के संदेसे तौ नैयाँ? 

भाट बोलो- हैं तो स्वामी जू, गठरियन!

गठरियन? तौ बताओ फिर।

अब भाट नैं पैलो संदेसो कई- गैया ऊ पार, बच्छा ई पार। मिलईँ नईं पाउत।

अब स्वामी जू नैं कई- पिछ्ले जनम मैं अपने बच्चा खाँ तो खूब प्यार करो, दूसरे के खाँ दुत्कार दओ। तुम छू लैयो सो मिल जैन हैं।

दूसरौ संदेसो- आधो सांप बामी मैं आधो बामी के बाहर?

स्वामी जू बोले- पिछ्ले जनम कौ कायस्थ आए। अपनी दूसरे की बिद्या तो लै लई पर अपनी नईं दई। तुम छू लैयो सो ठीक हो जै।

तीसरौ संदेसो- उबीनौ घोड़ा, ऊपै कौऊ नईं बैठत।

स्वामी जू बोले- अपने मालिक खाँ रण में अकेलो छोड़ कैं भग याओ। तुम बैठ कैं पाँच कदम चल लैयो, सो सब बैठन लगैं।

चौथो संदेसो- एक आम को पेड़, जी के फल कोऊ नईं खात।

मामा आएं पिछ्ले जनम के। भनैज कौ लै लओ और लौटाओ नैयाँ। तुम पाँच आम तोड़ लैयो, सो सब जनैं टोरन लगैं।

पाँचवौ संदेसो- एक घर सबेरे बनत साम कैं टूट जात?

जमींदार अपनो तो महल बनवा रओ और ओई के गाँव में गरीब की मौड़ी कौ ब्याओ नईं हो पा रओ। मौड़ी कौ ब्याओ करा दे जमींदार, औ तुम छू दैयो घर ना टूटै फिर।

दो तलैयाँ जिनमें कीरा बिलबिलात?

पिछ्ले जनम की द्योरानी-जिठानी आएं। इन्नैं न उनैं ढाँक कैं बायनों न उन्नै इनैं। तुम ई कौ पानी ऊ मैं और ऊ कौ पानी ई मैं कर दैयों सो सब पियन लगैं।

अगलो संदेसो मूड़ पै मौरिया धरें, उतरतई नैयाँ?

स्वामी जू बोले- अपनों बोझा तो उतरवा लओ, दूसरे को चढ़ो रन दओ। तुम हाथ लगा दैयो सो उतर जै।

मूड़ पै कैलिया औंधाए। निकरतई नैयाँ।

जौन बरतन मैं बनाओ ओई मैं खान लगीं। तुम छू दैयो सो उतर जै।

कमर सैं पीढ़ा चिपको, निकलतई नैयाँ।

स्वामी जू बोले- बड़े आए और मान मैं बैठे रये उठे नईं। तुम छू दैयो सो निकर जै।

अब संदेसे कह कैं भगवान के पाँव पर कैं लौटे भाट जू। 

क्रमश:

क्रमश:

सभी श्रोतागण आमंत्रित हैं🙏

 

स्वामी भले बिराजे जू भाग -1

चैत्र का महिना लग गया पिछ्ली 8 तारीख को। इस चैत्र से जीवन के तार जुड़े हैं। इसी चैत्र माह में राम नवमी यानी राम लला के जन्मोत्सव से ही भारतीयों का नववर्ष आरंभ होता है। अखंड मानस पाठ, नवाह पाठ से सब कुछ भक्तिमय हो जाता है। पके गेंहूँ की फसल भी इसी चित्रा नक्षत्र में घर भरती है। इसी के साथ इसी माह में हमारे घर पधारते हैं स्वामी जू और उनके सम्मान में प्रेम और भक्तिमय स्वर गूँज उठते हैं-

स्वामी भले बिराजे जू, 

उड़ीसा जगन्नाथ पुरी में 

भले बिराजे जू....

प्रतिवर्ष इसके साथ ही मेरा बचपन अपने एक खास दृश्यखंड के साथ मेरी स्मृतियों में जीवंत हो उठता है, कानों में आरती गातीं, 'किसा' कहतीं आवाज़ों के साथ मेरी पड़दादी फिर से मुझे याद आ जातीं हैं। मुझे याद आता है कि किस तरह चैत्र के प्रत्येक सोमवार को, हर बार अलग प्रसाद के साथ अम्मा, मम्मी और बाई (पड़दादी) जगन्नाथ जी की पूजा करती थीं। अम्मा के ही कमरे में  या कभी आँगन में पानी से लीप कर, मम्मी चौक पूरती थीं। फिर पटले पर आसन बिछा भगवान जगन्नाथ जी को बिठातीं। पीतल की एक थाली जिस पर जगन्नाथ जी का चित्र बलभद्र जी और बहन सुभद्रा जी के साथ उकेरा गया होता था, वह स्थापित करतीं। जगन्नाथ जी के दाईं ओर इन्हीं तीनों के चित्र से उत्कीर्ण एक लोटा रखा जाता, जिसमें गुड़ का जल और पाँच बेंत रखे जाते। (ये पाँच बेंत, जगन्नाथ जी की फोटो, चित्र उत्कीर्ण थाली और लोटा, सब पुरी से ही लाए गए होते थे।)

मैं देखती थी कि भले ही पिताजी के प्यार से सींचे गुलाब कितने ही क्यों न फूले हों पर, बाई जगन्नाथ जी को एक गुलाब न चढ़ाने देतीं, पर टेसू के फूलों से उन्हें पूर देतीं। जब मैं पूंछती कि ऐसा क्यों? तो वो बतातीं- भगवान के जगन्नाथ रूप को टेसू के फूल बहुत भाते हैं। बात सच है चैत्र में टेसू खूब फूलते हैं। खिले-खिले टेसू के आगे सभी फूलों की खूबसूरती फीकी लगती है।

भाट जब जगन्नाथ जी के द्वार गया था, तो खूब टेसू खिले हुए थे। वही फूल उसने जगन्नाथ जी को भी अर्पित किये थे। तभी तो जगन्नाथ जी ने प्रसन्न होकर उसे दर्शन दिये थे, सब दुख दूर किये थे।

मेरा बालमन जगन्नाथ जी से मिलने की कल्पनाएँ कर उठता। मम्मी, अम्मा जब तक पूजा की तैयारी कर रहीं होतीं, बाई अपनी स्मृतियों को मुझसे खोलते हुए कहतीं- "हम तो बहुत बार गए जगन्नाथ जी कें।" 

पण्डा के इते रुके दो बार। बाकी तो रेलवे के गेस्ट हाऊस में रुकत्ते...बाई बोलते-बोलते चुप हो जातीं, ऐसा लगता कि कोई स्मृति खंड पिघलकर बाई की आँखों में बह आया हो, क्या पता बब्बा याद आ जाते हों, क्या पता! इतने में अम्मा कहतीं- बाई कओ किसा (कहानी) और बाई जय जगन्नाथ जी कहकर किसा कहना आरंभ करतीं। मम्मी बाई, अम्मा और हम बच्चों के हाथ में जौ थमा देतीं।

(कथा बाई ही कह रहीं हैं, तो मैं खड़ी बोली में कैसे लिख सकती हूँ)

एक हतो भाट। बौ एक गाँव माँगे सो कुचिया, रुटिया रह जाये, औ चार गाँव माँगे सो कुचिया रुटिया रह जाबे। बेचारो बड़ो परेसान। अब एक बार ऊकी औरत ने कई कै बिटिया-दमाद को न्योतो करने। आज तनक बिलात माँग ले आइयो। भाट ने कई हओ।

भाट जू चले। एक की जगा चार गाँव माँग ल्याये। लेकिन फिर बेई बात। खाना बनो सो फिर कुचिया-रुटिया रह गई। अब ऊकी औरत नै कई कै अब का करें? बड़ी बेज्जती की बात। मौड़ी की तौ कछू नईं, पर लाला जू का कैं हैं?

भाट बेचारो भोत दुखी भओ। ऊने कई कै अपने भाग खराब हैं तो का करें। कुचिया मौड़ी खों खबा दो औ रुटिया लाला जू खों, औ हम तौ अब जा रये जा मोह-माया छोड़ कैं।  

और भाट चल दओ। चलत-चलत भाट जू एक जंगल में पहुँचे। उतै एक बारी पत्ता तोड़ रओ तो। भाट नै कई भैया का कर रये तुम ई घने जंगल मैं?

बारी नै कई राजा कै इतै भोज है सो पत्तल के लाने पत्ता तोड़ रये। भाट नैं कई कै हम टुरुआ दैं? बारी नैं कई टुरुआ लो भैया, तुमाई जै हो जाबै। 

भाट नै कई कै हओ और टुरुआन लगो पत्ता।

अब बारी नैं पत्तल बना कैं पहुँचा दईं। राजा ने पूरे गाँव भर खाँ भोज दओ और पूँछी कै कोऊ ऐसो तौ नैयाँ जो भूखो-प्यासो हो? सो बारी ने बता दओ, के महराज एक भाट है, ऊने पत्ता टुरुआबे मैं हमाई मदद करी ती, सो ऊने नई खाओ कछू। 

राजा नैं कई कैं ऐसो है तो बुलाओ और खबाओ खाना।

अब आये भाट। सो बे ऊँची-नीची जघा ढूँढेँ। राजा के लोगन नैं जो देख कैं कई, काय भैया का बात है?

भाट बोले- भैया का करें, बहुत छुद्द्या (क्षुधा) है। 

सो का भई। तुम दो पत्तलें डार लो। भाट नें ऐसई करो। सो एक पत्तल भोज खाओ औ दूसरी पत्तल घड़ा में धर लई। भोज से आये सो रस्ता मैं उनैं उनई के गाँव की दो औरतें मिलीं, सो भाट ने बौ घड़ा उनै दै कैं कई, कै हमाई भाटिन खाँ दै दैयो, और कह दैयो कै चिंता ना करें, हम जगन्नाथ जू कैं जा रये।

अब उन दोई औरतन नैं सोची, कै ई भाट भिखारी नैं काआ भेजो भाटिन खाँ, तनक देखें तौ। सो जैसई बे देखन लगीं, उनके हाथ घड़ा मैं चिपक गये और आँखन से कछू दिखाए ना और कानन सैं कछू सुनाए ना।

अब बे घबरानी औ बोलीं- ओ राम अब न झाँकें दूसरे के मैं। अपनी तरफ़ से और जो गाँठ में हुइये सो डार दें। पर ठीक कर दो। सो बे ठीक हो गईं और संदेसे के संगे, उन्नें बौ घड़ा भाटिन खाँ दै दओ औ जो उनके संगे भओ सो बौ भी बता दयो।

अब जो भाटिन नैं देखो- सो ऊमैं हीरा-मोती! भाटिन नैं सोची कै भाट नैं ऐसो का करो कै इत्ते हीरा-मोती भेजे! जे तौ राजा के आएं। सो भाटिन बौ घड़ा लै कैं राजा के इतै पहुँची। 

अब राजा नैं जो घड़ा देखो, सो ऊमेँ राजा खाँ खाना दिखो। अब राजा बोलो- भाटिन! हम भूकन आ मरत, जो तुम हमैं खाना दैबे आईं इतै?

फिर भाटिन ने राजा खाँ पूरी बात बताई, कै महराज हमाए इतै तो जे हीरा-मोती बन जात, आपके इतै भोजन बन जात। 

अब राजा बोले कै देखो भाटिन, भगुआन ने जौ तमाए लानैं आ दओ सो खाओ-बिलसो, कन्याअन के ब्याओ कराओ। भाटिन नें कई कै ठीक है महराज। 

 अब इतै भाट तौ चले जा रये ते जगन्नाथ जू की गैल। सो उनैं चलत-चलत दो आम के पेड़ मिले। पेड़न ने पूँछी- किते आ जा रये भाट जू?

भाट ने कई कै हम तौ जा रये जगन्नाथ जू नौ।

सो बे बोले, ए तो हमाओ संदेसो कै दैयो- कै आम फरत कोऊ खातई नैयाँ।

हओ कै दैबी। कह कैं भाट आगे चले। अब रस्ता में दो तलैयाँ मिलीं। बे बोलीं कै हमाओ संदेसो कै दैयो- कै कीरा बिलबिलात रत, कोऊ पीतई नैयाँ पानी।

आगे चले सो एक उबीनो घोड़ा मिलो। ऊ नै कई कै हमाओ संदेसौ कह दैयो- कै कोऊ बैठत नैयाँ।

आगे चले सो- गैया ऊ पार, बच्छा ई पार। उन्ने कई हमाओ संदेसो कह दैयो कै मिलई नईं पाउत।

आगे चले सो आधो साँप बामी मैं आधो बामी से बाहर। उन्ने कई कै हमाओ संदेसो कह दैयो- कै फंसे धरे बीच में। न इताएँ जा पाउत न उताएँ।

आगे चले सो पिड़ी (पीढ़ा) से चिपकी बैठी एक औरत मिली। ऊने कई कै हमाओ संदेसौ कह दैयो कै उठई नईं पाउत।

आगे चले सो मूड़ पै कैलिया (भोजन पकाने का बरतन) औंधाए एक औरत मिली, ऊने कई हमाओ संदेसौ कह दैयो, कै कैलिया मूड़ से उतरत नैयाँ।

आगे चले सो एक घर मिलो। ऊने कई हमाओ संदेसो कह दैयो कै दिन मैं बनत, रात में टूट जात।

आगे चले सो एक जनीं मूड़ पै मौरिया (लकड़ियों का गट्ठर) धरें मिलीं। ऊनैं कई कै हमाओ संदेसो कह दैयो कै मौरिया उतरत नैयाँ।

भाट अब सब संदेसे लैकें पहुँचे पुरी। सो समुद्र के हेड़न से समझ गए, कै आ गए जगन्नाथ जी कै इतै। अब उतैं से चिल्लान लगे भाट स्वामी जू, स्वामी जू।

अब भक्त की आवाज़ सुन कैं आ गए भगवान। बोले- काय रे भटुआ  काय चिल्ला रओ?

अब भाट नें देखो कें जे कोआ आ गए? ऊने नई पहचानों...

शेष कल

 

अपराध-बोध

 

मम्मी स्कूल के लिये देर हो रही है, दीपा अब तक आई क्यों नहीं?? साँझला ने परेशान होते हुए कहा। 

हो सकता है उसे स्कूल न जाना हो..चलो मैं छोड़ आती हूँ। माँ ने साँझला की चोटी गूँथते हुए कहा। 

नहीं मम्मी, मैं चली जाऊँगी रास्ता मुझे याद हो गया है।

याद हो गया है, अच्छी बात है, पर अकेले नहीं जाना। माँ ने खीझते हुए कहा।

मम्मी प्लीज़, आज मुझे अकेले जाने दो न, पता है मुझे रास्ता।

"साँझला ज़िद मत किया करो, चलो दूध फिनिश करो, मैं तुम्हारे पापा को बता कर आती हूँ।" 

इधर माँ का अंदर जाना हुआ कि साँझला ने बस्ता उठाया और स्कूल की ओर दौड़ लगा दी।

साँझला बड़े मज़े में चली जा रही थी कि सामने दो रास्तों को देख ठिठक गई... इधर जाना है या उधर?

उसे बिल्कुल समझ नहीं आ रहा था कि क्या करे। लग रहा था कि अगर मम्मी की बात मान ली होती तो कितना अच्छा होता! बेचारी की आँखें भर आईं। 

तभी सामने से उसे एक आदमी आता दिखा। साँझला ने झट से अपने आँसू पोंछे और उस आदमी को अपने स्कूल का नाम बताकर बोली - अंकल क्या आप मेरे स्कूल का रास्ता बता सकते हैं?

"हाँ बेटा क्यों नहीं।" कहते हुए वो व्यक्ति रास्ता बताते हुए साँझला के साथ चलने लगा। कुछ ही देर में साँझला अपने स्कूल गेट पर थी। उस व्यक्ति ने साँझला से कहा- बाय बेटा, आ गया तुम्हारा स्कूल। साँझला मुस्कुराकर बाय बोलने ही वाली थी, कि पीछे से आवाज़ आई- "साँझला.."

  साँझला ने मुड़कर देखा, उसकी एक सहेली थी।

 हाय रिया..

हाय..अरे साँझला! ये तुम्हारे पापा हैं क्या?

अरे नहीं ये तो.. साँझला कुछ कह पाती, इससे पहले ही दूसरी सहेली बोली- ये तो कितने गंदे हैं! देखो इनके कपड़े! और देखो इनके जूते भी फटे हुए हैं...

साँझला ने अब एक नज़र उस व्यक्ति पर डाली जो सहेलियों की बातों से बेखबर शायद साँझला के बाय कहने का इतज़ार कर रहा था। 

सच ये तो एकदम भिखारी है! साँझला मन ही मन धिक्कार उठी। उसे अचानक से माँ की डाँट याद हो आई। वह बुदबुदा उठी-

"मम्मी सच ही कहती हैं कि अब तक अक्ल नहीं आई मुझे, छठी क्लास में आने से क्या होता है!" 

कैसे मैंने बिना कुछ सोचे-समझे इस भिखारी से मदद माँग ली। एक बार देखा भी नहीं इसे! उफ्फ!!! एक ज़बर्दस्त नकारात्मकता, घृणा और अपराध-बोध की मिली-जुली भावना से साँझला का चेहरा तमतमा गया। उसने एक चुभती सी नज़र से उस व्यक्ति को देखा और बिना किसी बात का उत्तर दिये, स्कूल गेट से अंदर चली गई। 

उधर अजनबी की आँखें जड़वत स्कूल गेट पर थम गईं थीं।

फागुन और ज़िंदगी

 

जब आती है झमकती फागुन

खिंच जाता है चित्र सा निगाहों में

पीली सरसों में जब धरती खिलखिलाती है

रूई के फाहों से सजा आकाश जब मुस्कुराता है

सुनहरे गेहूं की खुशबू जब किसान की आँखों में चमकती है

और

नई दुल्हन सी सजी धरती जब गुलाल और अबीर से सँवरती है

तब तब हर बार लगता है जैसे

हर कठोर चीज़ पिघल गई हो

फिर चाहे वो दिल हो या पत्थर

और क्योंकि

पिघल चुकी है हर बुरी और कठोर चीज़ 

इसलिए अब नहीं होंगे आँसू

नहीं होंगे मुरझाए चेहरे

हर ओर पीली सरसों जैसी खिली होगी मुस्कान

पर

इस स्वप्निल चित्र से

जगा देता है मुझे कोई

कि ज़िंदगी ऋतु नहीं है

बल्कि वो तो है

तमाम ऋतुओं की पनाहगाह 

जिसमें ठहरी हैं

स्याह, सफेद, ज़र्द, लाल, सुनहरी और न जाने कितनी ही ऋतुएँ

 जिन्हें

 पूरे दम से जिवाना ज़िंदगी की ज़िद है

 तब एहसास होता है और पाती हूँ कि

फागुन बस एक ऋतु नहीं

ज़िंदगी की replika है

जो रंगों में गहरे उतर कर

सिखाती है ज़िंदगी जीना

पूरे दम से, पूरे रंग से...